LUNARJIE Almanacche Astrologiche de l'Abbruzze e de lu Mulise 2020

La cupertine dell'Almanacche de la Felicità. Parecurdà Vincenzo Corrado (Oria 1736 - Napoli 1836)

Quelle ca vè chiamate "Diete Mediterranee", è n'elisire de longhe e bbella vite, è na calamitre turistiche piene de meravijje, ma è pure capace de fà cresce la vojje de fà l'amore e lu fà crià. Lu cchjù grosse còche appassiunate de lu magnà e bbeve bbòne a lu Settecente, Vincenzo Corrado (Oria, 18/11/1736 - Napoli 11/11/1836) le sapeve cchjù mmejje de tutte quande a Napule cucenevè le piatanze sé pe'le nùbbele e screvève de lu magnà naturale, quale "Credenziere del buon gusto, del bello, del soave e del dilettevole". E ne pe' niente à campàte fine a 100 anne. La cucine mediterranee, gnà sò avute mode de dice a lu libbre mè "La cucina afrodisiaca. La via più divertente e seducente alla felicità" (Chieti, Tabula Fati, 2019), è proprie fà sapè ca la costumanze cuntadine e lu mode de magnà'de lu terretòrie ca fà bbene a la salute e a ll'amore. E ca contrariamente a lu mudelle "turbo-

capitalistico" de l'industrie cuntadine, piene piene de quantetà, ca fa deventà tutte uguale, solitudine, fa jì avante, 'nvece, qualetà, deversetà e l'usanze de magnà ahunite. Lu mode de magnà cchjù famose de llu monne, da lu 2010 "bene immateriale dell'Unesco", à deventate nu mudelle jìdehale pe' vive mejje, cchjù a longhe e nghe la bbelle vite piene d'amore. E pecché no?, felice.  Lu Lunarije 2020 à 'mbelàte dendr'a lu sgrigne de le passiune e de l'avè acche ffà' nghe le persone, lu vine rosee de Tolle, l'oje de live de Larine, le fasciuole tondine de lu Tave a Picciane, la frutte nghe le fiquere de Chiete e le mele rose de Càsule, la verdure nghe l'ajje rosee de Pràtele Peligne, lu pesce a bbrudette de Tèrmele, lu casce fiore de Pizzuli, la carne de crape a Nerete, lu favelose lazzarette de la ventricine de Fresce e de lu capecolle de Crecchie. E, dulcis in fundo, doce a la fine, la

lecchenizia, sex-simbol, de l'Appennine, le sise de mòneche de la Guardie. E allore, daje, lu turisme de lu crià' ca lu Lunarije de la Felicità prupone è nu racconde sopr'a lu pussadènza de cchjù valore de lu "Bel Paese" e le rialdà reggiunale, a cumenzà' da la "Diete Mediterranee" e de le "scingiature sé e "cavalieri erranti", ca parle d'amore pe' la vite, passione pe' la terre e ... pe' la cucine ca fa cresce la vojje de fa l'amore. Ne pe' niente, ma a le terre de lu Sud, lu magnà cchjù proprie è felice e a lu stesse tempe nu magnc ca fa cresce la vojje de fa l'amore.

Lunarjie 2020, XXXIII Almanacche Astrologgiche de l'Abbruzze e de lu Mulise - Almanacche de la Felicità, scritte da Marie D'Alessandro, disignate da Gianfranche Tartaglia, alias Passepartout. Ddumile e Vente, bbisestile e malamente ?